Pages


පෙම් කවක් නුඹ සිත් අහසේ
එය මකා දමා ගිය හැටි රහසේ
ඔබ මෙතෙක් ‍රැදී උන්  මා මනසේ
පෙම් පුරාවතක් නිමා කරන්නද මා කෙලෙසේ
ඔබ යන්නම යන්නම යනවානම්
මට ඉන්න කියන්නට බැහැනෙ ඉතින්
යලි එන්නම එන්නම හිතුනේ නම්
නුඹ එන්න එපා මගෙ හිත තහනම්
හුරතලෙන් දැවටිලා මගේ ලගින්
දුන් සතුට එපමණද මට පවසන්
සද එළිය පොලොවටයි හිමි වූයේ
සද අහසෙ ‍රැදුනාට රත්තරනේ

රෝස තොල් සිඹිමි තොල් මත කදුළු බිදු ‍රැදෙයි
ඔබ ආදරේ කියා දුන්නේත් ඒ වගේ තමයි
මේ ‍රැයයි සදයි හරියට ඒ ඔබයි මමයි
හීනයක් වගෙයි මගෙ හිත පාරවයි රිදෙයි
පිච්ච මල් පිපී යහනෙ සුවද මා දවයි
එක්ව කී කතා දෙසවන දෝංකාර දෙයි
ඔබ උන්නු තැන හදේ තවමත් හරිම උණුසුමයි
ඉවසන්න බැරි තවම ඔබගේ වෙන්ව යාමමයි
අදුර ඉකි ගසයි සුසුමින් තරු නිවා දමයි
සොදුර ඔබ ලගින් නැතිවත් හිතට උණුසුමයි
කදුලු බිදු නැගෙයි ඉදහිට නෙතට වනයි
සිනා සෙමි නමුත් මේ උණු කදුළු මගෙ නොවෙයි

මගේ මෝඩ හිත...........


අමතකව ගියා නොව
අමතකම කලා මම
දයාබර ඔබෙ නෙත
මට දුන්නු සෙනෙහස
හිතේ රදවාන හුන්
නුබේ රුව පිණි වැදී
බොද වුණා නම් නොවේ
බොද කලා සිතුවමම
හීන් සැරයක් වගේ
හිත වෙලා ගත්ත බව
නෑහුනා නම් නෙවෙයි මට
ඇහුවෙ නැහැ ඔබෙ හඩ
හීන මල් පුබුදාන
සුවද විහිදුවත් සිත
නොදැනුනා නෙවෙයි මට
වින්දෙ නැහැ ඒ සුවද
නෙතු පියෙන ඇසිල්ලට
නෙත් පිරෙන හීනයේ
සුවය නොදැනුනා නොව
විදිනු බැරි වුණා මට
මේ කවිය ගෙතුනෙ නම්
අත් හැරුනු සෙනෙහසින්
සමා ගන්නට නොවේ
සනසවා ගන්න හිත

සිත ඇදි සිත්තම බලන්න මෙහි click කරන්න

මගෙ පණ.........


                                  ඔය ඇස් වලට ආදරේ කළේ
ඔය හිනාවට ආදරේ කළේ
ඔයාව මගේම කර ගන්න
දුක බෙදාගන්න
ඔයා මගෙන් ඈත් වුණ දවසෙ ඉදන්
ඒ දුක මම තනිවම විදින්නෙ
මං ඔයාට තවමත් ආදරේ නිසා
කාත් එක්ක කොහෙ හිටියත්
ඔයා සතුටින් ඉන්නවනම්
ඒ තරම් සතුටක් තවත් නැහැ
ඒ ඔයා මගෙ පණ නිසා

සිත ඇදි සිත්තම බලන්න මෙහි click කරන්න

ඔබ ඉන්නව නම් .......


අදුරු මගේ ජීවිතේ වෙත
එක දවසක් හිටි හැටියෙම
ඔබ ආවේ සදක් විලස
මම හොයනව තවම කරුණ
අරගෙන නෙක පාට හීන
රදවලා මගෙ හිත පුරාම
ඔය ඇස් දෙක හොරෙන් කීව
ආදරෙ මට නේද උරුම
සිහිවන විට හැමවෙලේම
කදුළු එනව මගෙ දෑසට
 ඔබ ඉන්නව නම් මා ලග
මට මොකටද මේ ලෝකය
මගෙ වස්තුව දන්නවාද
මගෙ ලෝකයෙ නිරිදුන් ඔබ

සිත ඇදි සිත්තම බලන්න මෙහි click කරන්න

නුඹ.....


නුඹ මලක් නෙවෙයි
මල් සුවදයි
දකින්න බැරි සිත් සේමා
නුඹ අහස නෙවෙයි
දේදුන්නයි
විදින්න බැරි සිත් සේමා
නුඹ කවිය නෙවෙයි
කවි පදයයි
තියන්න බැරි මුත් තේමා
නුඹ ගගුල නෙවෙයි
සයුරක් මේයි
අදහාගනු බැරි කෝමා


සිත ඇදි සිත්තම බලන්න මෙහි click කරන්න

නොගැලපීම..........


හද ගැස්ම වැඩි වුනත්
සිත් අපේ එක් වුනත්
බැරි වේවි විදගන්න
නිදහසේ ආදරය
උරුම දුක බව දැනම
එපා තව ළං වෙන්න
අප නොදකින
ඒත්
ලෝකය දකින
නොගැලපීම්
බොහෝ ඇත
රත්තරන් අපි අතර


සිත ඇදි සිත්තම බලන්න මෙහි click කරන්න

අහිමි හිමි.......



ඔබේ අහිංසක සිත් පොඩියට මම
මහ මෙරක් තරම් පෙම් බැන්දා
ඒ ලස්සන හිත හිමි කර ගන්නට
මදි වෙන්නැති මම පෙම් කෙරුවා
පෙර භවයක ඔබ මගේම වෙන්නැති
එනිසයි හිත ලෙන්ගතු මෙතරම්
ඒ භවයෙම මම ඔබ රිදවන්නැති
අහිමිව යන්නට ඔබ මෙලෙසින්
එකම මලකටයි පෙම් කෙරුවේ සිත
නොලැබුන මුත් ඒ මල සුවදයි
ඒ මල් සුවදම හිතින් දරාගෙන
හැමදාටම මම තනි වෙන්නම්


සිත ඇදි සිත්තම බලන්න මෙහි click කරන්න

අමතකද...........


මග තොටේ මල් පිපුන
පෙති හැලී මග සැරසු
නුඹ එතැයි මග බලා
දෙනෙත් කදුලින් පිරුනු
කාලයක් පහු කරපු
එකම මග නුඹ නාපු
තනිව උන් මල් රේණු
ආදරේ දුක ගයපු
හිත ගාව මල් ඇතිරු
අමතකද ආදරේ
අහම්බෙන් මට දීපු


සිත ඇදි සිත්තම බලන්න මෙහි click කරන්න

කවිය


අහස තරම් නැති වුනාට
සයුර තරම් නැති වුනාට
නුඹට වඩා නම් නුඹ හට
ආදරේ කලා
නුඹට තරම් අපූරුවට
කවි  ලියන්න බැරි වුනාට
පුලුවන් විදියට නුඹ හට
මම කවි ලිව්වා


සිත ඇදි සිත්තම බලන්න මෙහි click කරන්න

සිත් අහස.....


Friends18.com Orkut MySpace Hi5 Scrap Images


අසනි වැසි වැ‍ටුනි
ගග දිය උතුරා
පිටාර ගිය සෙයිනි
සමතලා යුගයක
කොද මල් පිපුනි
ගිම්හානය ආ සෙයිනි
මල් පරව බිම වැ‍ටුනි
වසන්තය ගිය සැනින්
ඉඩෝරය යලි පැමිණි
කෙම් බිම් සියල්ල
වියෙළිලා ඉරි තැලිණි
රිදී සද ගියෙ සැන්ගී
සිත් අහස අදුරේම
මියදුනා මට දැනුණි

සිත ඇදි සිත්තම බලන්න මෙහි click කරන්න

කදුල ඉතින්............

                                    
                                     සුසුම් සලන හන්තානෙක
කදුලු උනන මද්දහනක
එක සුදු පැහැ මලක් වෙලා
නුබ පිපුනිද මගේ ලොවට
කදුල ඉතින් නුබ පලයන්
සුසුම මාව අතහැරපන්
දැවෙන සිතට පවනක් වී
ලගින් ඉන්න ඉඩ දීපන්
ඔබ ගියාලු මන් දාලා
සුසුම් කදුලු රන්දාලා
හැර යන කදුළද සුසුමද
නොයා ඉදින් මන් දාලා


සිත ඇදි සිත්තම බලන්න මෙහි click කරන්න

දඩුවම..........


නොදැන පෙම් කල වරදට
දුන්න දඩුවම සැර වැඩී නුඹ
නොසිතූ නිම්නෙක  හමු වෙලා අප
පිවිසුනා අපි අපේ ලෝකෙට
බොළද වදනින් රත්තරන් ලෙස
ඇමතුවා සුදු සේල යහනෙදි
නොමැත වදනක් සවන් දෙන්නට
කෙලෙස යන්නද ඇසි පියන්නට
මතක් වෙද්දී මැවූ ලෝකය
සිත කියන්නෙ පිය මනින්නට
සදාකාලික නින්ද වෙතටම


සිත ඇදි සිත්තම බලන්න මෙහි click කරන්න

සිත් අහස............


ඇස් පියන් යට දග කෙරුව
කදුළු බිදු සමු අරන්
හිනාවේ මල් කැකුළ
විකසිතයි මගෙ හිත පාමුල
මායි මගෙ කවි හිතයි
නුඹයි නුබෙ සෙනෙහසයි
එකතු වී අලුතෙන් ලියයි
ආදරයයි ජීවිතයයි
පාට සද දිය හැඩ කරයි
නෙක රටා ඇති මල් පෙති
හීන හිත ළග සරසවයි නුඹ
මවා ආදරයේ මහා විස්කම්


සිත ඇදි සිත්තම බලන්න මෙහි click කරන්න

 
Twitter Bird Gadget