Pages

නුඹට දැනුනෙ නෑ මගෙ දුක....

බින්දු බින්දු මල් වැස්සට
ආස වුනේ හිත ඉස්සර
නුඹ ගියදා වට වැස්සට
කදුළු පෙනුණෙ නෑ පිටතට....

හිනාවෙන්න හිත හැදුවට
හිනා ආවෙ නෑ මුවගට
ලොවට හොරා හැඩූ හන්දම
නුඹට දැනුනෙ නෑ මගෙ දුක....

තාමත් ඉද හිට වැස්සට
නුඹ එන්නේ ඇයි මතකෙට
වහන් වෙලා මගෙ හිත යට
කදුළු දෙන්නෙ ඇයි නෙතගට....

හුස්ම නුඹේ ආදරයයි හැගුනා.....

අහසෙ සොදුරු සද දිළෙමින් තිබුනා
තරුව වෙලා මම නුඹ ළග  ‍රැදුනා
හීන ලොවක මිස සැබෑ ලෝකයක
නුඹ මාගෙන් දුර ඈතක ඇදුනා...

මගේ ජීවිතේ නුඹ බව දැනුනා
හුස්ම නුඹේ ආදරයයි හැගුනා
මගෙ පණ නුඹ මා හැර ගිය දවසක
ජීවිතයක් තව නැති බව දැනුනා....

එක් වන්නට බැරි බාධක තිබුනා
‍රැක ගන්නට තව බොහො දේ තිබුනා
අත් හරින්න හිත නැතත් නුඹේ පෙම
මගෙ අතින් ගිලිහී ගොස් තිබුනා....
 
Twitter Bird Gadget