Pages

හිත හදාගමි මම...

 මිය නොයමි මම
ජීවිතය තව දුර නිසා...
සතුට නොසොයමි
එය මට තහනම් නිසා...
නොහඩමි
හඩන්නට කදුළැල් නැති නිසා....
විදවන්නෙමි තවම
විදින්නට කිසිවක් නැති නිසා...
ඝණ අදුරට පෙම් බදිමි
ආලෝකය යළි නොඑන නිසා...
හිත හදාගමි මම
ලොවෙහි කිසිවක් නියත නැති නිසා...
යලි ආදරය නොසොයමි
මට කිසිවෙකුත් ආදරය නොකල නිසා...

එපා යළි පැමිණෙන්න....

දුක් වේවි ඔබ දිනෙක
මා අතැර ගිය පවට...
වැළපේවි නිසැකවම
වියෝ ආදර දුකට...
කිසිවෙකුත් නැත මෙලොව
මා තරම් ඔබෙ හදට...
යළි ඒවි නිසැකවම 
එය පසක් වූ කලෙක...
දහසකුත් කදුළු පොදි
වගුරුවා සයන මත...
දැඩි කලෙමි දිරි අරන්
බිදී ගිය මගේ හද...
සැනසීම අත ළගය
මා තැනුව ඔබ නැතිව...
එපා යළි පැමිණෙන්න
සසර සරණා තුරුම...

කරුමයක්‌....

සිතලෙත් මේ නත්තලේ මට
උනුසුමක්‌ වගෙ දැනෙනවා
හිමිනැතත් අද දුර උනත් නුඹ
තවම හිත මගේ අහනවා

පෙර එදා අපි කී කතා අද
මතක්‌ වෙද්දිත් හැඩෙනවා
නුඹවෙලා මම මමවෙලා නුඹ
ඉන්න ඇත්නම් හැගෙනවා

දන්නවා මට අයිතිනැති බව
මතක්‌වෙන හැම වෙලාවකදිම
ඒත් ආදරේ කරන්නේ මම
කරුමයක්‌ ඇති තව ගෙවන්නට
 
Twitter Bird Gadget