Pages

සද ආයෙත් එන්න එපා.............


 
හිත බර වෙන හුස්මක් ගෙන
නිල් අහසට දුක කිව්වම
අපි දෙන්නා පැතූ පැතුම්
උඩු හුළගට පා වුනාද
රාත්‍රියට මුවා වෙලා
ඉකි බිද බිද බිද මං හැඩුවට
රහසින් වත් මට කියන්න
ඔබ අයෙත් එන්නෙ නැද්ද
රෝස සුවද හිත පාරන්
මගෙ පපුවට දුක් දුන්නට
සද ආයෙත් එන්න එපා
හීන අරන් නිදි යහනට

සිත ඇදි සිත්තම බලන්න මෙහි click කරන්න

අපරාදෙ......................

මං දැන්ම මැරෙන්නද...........?
ඔබට දුක හිතේවි
දෙනෙත් යුග තෙත් වේවි
උණු කදුළු වැටේවි
මගේ නම කිය කියා
ඉකි ගසා හඩාවි
මගේ දෙණ ළගට වී
නොසෙල් වී හිදීවි
සුදු පැහැති සළු පිළෙන්
ගත වසා ගනීවි
දින දෙකක් හෝ තුනක්
බත් නොකා හිදීවි
හත් දොහේ දානෙ දී
කඩිසරව හිදීවි
මං ආස කල කෑම
හැම එකම තියේවි
යහළු මිතුරන් සමග
සිනාසී දොඩාවි
තව කන්න තව කන්න
නෑයින්ට බෙදාවි
තුන් මාසෙ ගත වෙද්දි
මතක නැති කරාවි
අපරාදෙ මන් මැරුනෙ
කියා මට සිතේවි

සිත ඇදි සිත්තම බලන්න මෙහි click කරන්න

නිකිණි වැස්ස

ප්‍රේමයේ දුක සදාකාලික
කදුල විතරක් හිත දරන්
පෙම් කලේ මම මගේ රන්කද

නුබේ ඇස් වලටත් හොරෙන්
යන්ට යන වග කාට කීවත්

මට නොකී දුක හිත දරන්
සරා සද ළග මාව තනිකර

යන්න ගියෙ ඇයි රත්තරන්.............
ඔබේ ප්‍රේමය කදුළු පමණයි
දැන දැනත් මම පෙම් කලා
හිතේ ගින්දර නිවා ගන්නට

 හීනයක් වත් නැති වුනා
හදා ගන්නට බිදී ගිය සිත

වෙහෙස ගන්නත් බැරි වුනා
සත්තකයි මම මගේ රන්කද මටත්
වැඩියෙන් පෙම් කලා.............
නිකිණි වැස්සට කදුළු මල් පෙති
බිම වැ‍ටුන මුත් දුක දරන්
මාව අතහැර යන්න ගියෙ
ඔබ මටත් මාවම නැති කරන්
කදුළු පමණයි මගේ
ලෝකයේ
සතුට දුර ඈතක ගිහින්
හුස්ම ගන්නට අරුත් ළග
                             නැහැ මට ජීවිතේ මලගම් ගිහින්...........................

සිත ඇදි සිත්තම බලන්න මෙහි click කරන්න


රහසක්.............


සුසුම් වැදෙන නෙත් මානේ
මට ඔබෙ ඉන්නයි ඕනේ
නැති උනොතින් ඒ සහනේ
මට මේ දිවි නැත ඕනේ.........
දු‍ටු දා ඔබ ගිම්හානේ
පෙම් බැන්දේ මා රහසේ
මට ආදරෙ කිවු දවසේ
මට මුළු ලොව හිමි වූයේ
හුරතලයෙන් දැවටෙන්නේ
ඔබ අසලයි මා ඉන්නේ
හඩනා නෙත පිසලන්නේ
ඔබමයි මා සනසන්නේ...........
ඔබ පමුල මේ ලෙසිනේ
සැමදා ඉන්නයි ඕනේ
නෙත හඩවා මගෙ ආයේ
නොයා ඉදින් රත්තරනේ.............

                                                    
සිත ඇදි සිත්තම බලන්න මෙහි click කරන්න

කිරිල්ලියක් වෙන්න හිතයි....................


තරු කැකුළක් වෙන්න හිතයි ...
රෑට සඳට තනි රකින්න...
මල් කැකුළක් වෙන්න හිතයි...
හිරුට ළගින් තනි රකින්න...

දේදුන්නක් වෙන්න හිතයි...
වහින අහසෙ තනි රකින්න..
මහ වැස්සක් වෙන්න හිතයි...
පොළව ඇවිත් සිඹලා යන්න...

කිරිල්ලියක් වෙන්න හිතයි...
කුරුල්ලෙකුට තනි රකින්න...
නින්ද වෙලා එන්න හිතයි...
නුඹේ ඇසක් යට නිදන්න...

සිත ඇදි සිත්තම බලන්න මෙහි click කරන්න

මගෙ සපු මල..........


දොඩමලු වන දෑස් වලින්..
මට සෙනහස කියාදුන්න..
මගෙ සපු මල දෙතොල් විදා..
ඒ සෙනෙහස කියා යන්න..
එතකොට මට පුලුවන් වෙයි...
ඔබ නැති දුක දරා ගන්න....
නෙත් කැල්මෙන් වචන දුන්නු..
මට කවියක් ලියා ගන්න..
මගෙ සඳ...
රන් පත් ඉරුවක
මට සෙනෙහස ලියා දෙන්න...
එතකොට මට පුලුවන් වෙයි
තනියට එය තියා ගන්න.....

සිත ඇදි සිත්තම බලන්න මෙහි click කරන්න

 
Twitter Bird Gadget