මතක් විය අනේ ඔහු.................

දෑස් පිසදා බැලිමි
මේ සිහිනයක් නොවේ
තිගැස්සී හද මඩල
හැරුනෙමි මා ඔහු වෙතට
තවමත් සුන්දරයි
දෙවසකට පසුවත්
ඔහු එදා වගේමයි
ගැට ගැහුන මතක වැල්
එකිනෙකට ලිහි ලිහී
සිහිගැන්වුවා මට
ඔහු දු‍ටුව මුල් දිනය

එකම එක බැල්මකට
සංසාර පුරුද්දට
අදහගන්නත් බෑ මෙමට
මහ මෙරක් ආදරය
උපන් හැටි මොහොතකින්

සොදුරු මල් සිනහවක්
නැගෙනකොට 
දොඩමලුව ඒ දෑස්
අදත් දැක හිරිවැ‍ටුනි
දූලි බැදී මගේ හිත
කාටවත් නො ඇසෙන්න
කෑ ගසා අණ කලෙමි
සොයන්නට සිසාරා
එදා අතහැර දැමූ
පපුව පිරි ආදරය

සියොලගම වෙවුළුවා
ඇස් දෙකත් රතු වුනා
හුස්ම ටික හිර වුනා
මතක් වී අනේ ඔහු
මේ මගේ නොවන බව
අදත් ඔහු හමු වුනත්
මගේ මුව ගොළු වුනා
එදා මෙන් අදත් මා
අනේ අසරණ වුනා